Årets Matkulturfestival var 14-16. oktober 2011 med tema:

"Frukt og Grønt"

Den 7. Matfestivalen er no over og også i år bugna det av tradisjonsmat, kunst og kulturopplevingar i Hardangerviddahallen.

I tre dagar til ende var nærmare 1200 små og store matglade gjester samla til felles måltid og aktivitetar. 

Hjarteleg takk til alle som har hjelpt oss til å gjennomføra årets festival.

Fylkesmann Lars Sponheim opna Matkonferansen på fredagen. " Det er fantastisk kva dei har fått i stand, og at dei no har klart å etablera festivalen som institusjon og ein tradisjon", sa fylkesmann Lars Sponheim til Hardanger Folkeblad under opninga. 

Det er andre året me opnar festivalen med ein seminardel. Tanken er at det skal verta ein arena der småskalaprodusentar  kan møtast og utveksle erfaringar.

Hardanger Matkulturfestival – takk til komiteen
I helga har eidfordingar stått for endå ei stor tilskiping. "Gladjentene" og alle dei gode hjelparane deira sytte for fine mat- og tradisjonsopplevingar for store og små. Me set pris på dykk alle; de som står på gong etter gong og ikkje er redde for å ta eit tak.
De får ting til å skje;
og får andre folk me`
Folk frå fjern og nær kokar og bakar,
mat som verkeleg smakar.
Hjort i grop og gris på spidd,
skikkeleg mørt og passeleg svidd.
Gomme og lefse og pølsa og sild,
og frukt og grønt som passar til!

Takk for innsatsen til alle som gjorde dette til eit vellukka arrangement.

Helsing

Aud Opheim Lygre
-rådmann-

2010:

Harald Osa, leiar i S tiftelsen Norsk Matkultur og Torhild Sivertsen var fjordårets inviterte festivalgjester. Ingrid Espelid Hovig og Astri Riddervold var som tidlegare våre heidersgjester og storkoste seg. Dei satte særs fokus på den gode og tradisjonsrike maten, dugnadsånda og dei flotte lokalitetane.

Harald Osa døypte styret til " Gladjentene" i talen under festmiddagen.

Gladjentene var til Berlin og Grüne Woche 14-17 januar 2010 og henta ny inspirasjon! Grüne Woche i Berlin er verdas største messe for mat/reiseliv, landbruk og hagebruk.